Një grua është qëlluar me gurë në Somali pasi një gjykatë e drejtuar nga al-Shabab e ka dënuar atë se ka disa burra, thotë grupi militant.

Shukri Abdullahi Warsame u akuzua se u martua me 11 herë, pa u ndarë nga burrat e mëparshëm, transmeton portali arbresh.info.

Ajo u varros deri në qafë dhe u qëllua për vdekje me gurë nga luftëtarët e al-Shabab, thonë banorët e qytetit jugor Sablale.

Al-Shabab praktikon një interpretim strikt të ligjit të Sheriatit.

Grupi militant kontrollon pjesë të mëdha të Somalisë dhe shpesh kryen bastisje dhe sulme në përpjekjen e saj për të rrëzuar qeverinë qendrore të bazuar në kryeqytetin Mogadishu.

Mohamed Abu Usama, guvernatori i al-Shabab për rajonin e Ulët Shabelle, tha për Reuters: “Shukri Abdullahi dhe nëntë burra, përfshirë edhe bashkëshortin e saj ligjor, u sollën në gjykatë, secili duke thënë se ajo ishte gruaja e tij”.

Sipas ligjit islam, poliandria – një grua që ka më shumë se një burrë – është e paligjshme, por burrat lejohen të martohen me katër gra.

Divorci është i lejuar për të dy partnerët, por ndërsa burrat mund të ndahen nga gratë e tyre, gruaja duhet të kërkojë pëlqimin e burrit. Nëse mohohet, ajo mund të shkojë në gjykatën fetare për të marrë miratimin./Arbresh.info/